هـذه الـنصوص
قـربـان مــن الـبوح أهـديـه إلـى جـسـدى
الـذى يـفرقـنى عـنه مـجتمع بـأكملـه
لـعله يـتقبل و يـعود إلـىّ
امل درويش
المجتمع زى الرصيف وسخ
و عايز يتكنس
فؤاد قاعود
| ► | مايو 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
على فكره
ده مش مطر
ده ربنا قرف مننا
ف سلط علينا السما
تتف علينا على قد ماتقدر
امل درويش
شنطتى بتعيّط
لأن حتّة الجلده الصاحيه
اللى هى مصنوعه منّهـا
مش مستحمله
تفضل دولاب
أكثر من كده
و بتسألك
لسه كام سنة عشان تدى
لكل حاجه حاجتها
أبتسم
و انحنى
قـُدّام المرايه المكسوره
يشكرها لأنها مخليّاه
شايف وشّه
و شوش كتير كتير كتير
و اندار و قال لى
بصّي
كلّ دُوْلْ معايا
ده أنا
و انا
أنا موجود
لأنك بالحنان دايما
محوطانى
و إنك مهما بتسافرى
ماعمر عنيا حا تصدق
بأنك يوم مفرقانى
و قلبى و هوه فى قلبك
ما يشبع يوم
و يصرخ باشتياق ليكى
و احسن ان انتى وحشانى
و لو كان الوجود فيكى
بيكوينى و بتألّم
انا أتحمل
وقد آلامى من قوه
بشوق ف عنيكى ضمّينى
و خبّينى
م انا عايزك
و عايز أتزرع فيكى
على كتفك يكون نخلى
يعشّش فيّا عصفورك
و يلمحنى
بقلب يلم ف همومك
و لو محنى
و مهما بتوه
بشوفك ف العيون أمى
و أحسّك روح بتوب جدّى
و ازورك ف البيوت جارى
و لو جالك ف يوم عادى
أجيب لك قلبى و ولادى
و اخلّص بالدما تارى
و احرّر قلبك المكبوت
و ادوّب لك قيود الصوت
و أبدا عمرى ما ح ارضى
بدبح ضميرى أو إنّى
إكتب بدمك ع الورق
و اصرخ و قول ع اللى اتسرق
و إياك تقول قلبك غرق
ده لأن قلبى ف الغرام
باعه الهوى ومالوهشى خاطر
فسرقت قلبك أغزله
الأحساس الأعمى بينظر
من شريان البصر الميّت
فوق ف السما
بيشوفك نجمه
و انتى يا نجمه
خدعه و جت
قدره من الجان
متحبكه و بروح شيطان
سمكه وماشيه على رجلين
حاول يبان إنّه نبى
عافر و دبّح ف الحروف
صرخ السحاب سيل أسئله
و عيدان تعجّب مغروسين
فوق أرض بور
متجرّفه من الأجوبه
كان يشاور لى بطرف شفايفه
أجرى أدفّى ف حضن عبايته
و زى الريح الصارخ يعزف لحن
بلحم الشجر العارى
ف قلب يـناير
صوت أنفاسه كان بيعافر
مع أحبال صوته المبتوره
كان يسألنى و هو بيحكى لقلبى
حكــــاوى
عارفه البحر العالى الهايج
ليه كده حاله ؟ ؟ ؟
و اما رموشه برقّه
تنام على كتف الموجه
أيه بيجرى له ؟ ؟ ؟
كنت أرد بلأه و خوف
بيميل ع الحيره براسى
شمال و يمين
كان بيقول لى بإن البحر
ملان بالجنى
اللى و شوشهم زى وشوش
البنى أدمين
و اللى كفوفهم زى دفوف
و الموج راح ينبش من جوّاها
إيقاع مجانين
و ان حسومهم ترقص ترفص
سنين فاتت
سنين جايه
واخدنى هواك لدوامه
صحيح
الولد
كلّ ما يشوفنى
يمس باب قلبى
بطرف صوابعه
يفتحه
و يخش فيه
زى عيّل دخل الملاهى
شبطان فى كل اللعب
يفضل يتنطّط
و يصبّ عرق الفرهده
مسك متضفّر باللبن
ستى كات دايما
تنادى ع السيده
و تترجى المرسى و سيدى ياقوت
يشفونى
من جنون الكتوبات
و كانت دايما تقول لى
يابت فوقى
الإرايه حاتلحس نظرك
و الفكر حايشيّبك
و كتر كفيتك على كتف الورق
حاتخلّيكى شبه الكشكول
بصّى كده ف المرايه
حا تلاقى خدودك مخططه
سطور
و الرجاله قرّبت تبطل
تبص فى وشك
مع إنك
أجمل قطعيه نحتها
خراط البنات
ستّى
كانت كلها على بعضها
قلب كـــبير
