عصفور مريّش شوك

المزيد

سنين فاتت

سنين جايه

واخدنى هواك لدوامه

صحيح

الولد

كلّ ما يشوفنى

يمس باب قلبى

بطرف صوابعه

يفتحه

 و يخش فيه

زى عيّل دخل الملاهى

شبطان فى كل اللعب

يفضل يتنطّط

و يصبّ عرق الفرهده

مسك متضفّر باللبن

المزيد

ستى كات دايما

تنادى ع السيده

و تترجى المرسى و سيدى ياقوت

يشفونى

من جنون الكتوبات

و كانت دايما تقول لى 

يابت فوقى

الإرايه حاتلحس نظرك

و الفكر حايشيّبك

و كتر كفيتك على كتف الورق

حاتخلّيكى شبه الكشكول

بصّى كده ف المرايه

حا تلاقى خدودك مخططه

سطور

 و الرجاله قرّبت تبطل

تبص فى وشك

مع إنك

أجمل قطعيه نحتها

خراط البنات

ستّى

كانت كلها على بعضها

قلب كـــبير

المزيد

إبن القلب ف حبه انانى

أغلى الغالى عنده رخيص

و بيلعب لى

ف كل كيانى

عيّل مفطوم م الأحاسيس

كسّر قلبى

و بعتّر روحـى

و بيحجل على طرف جروحى

و انا بشهق وبموت تخاطيف

مع إنى بهنن له جنانه

حضنى الجنه

المزيد

قلبى الغلبان

و رقة سافان

والهوى مجنون يلعب بيها

ف براح الكون

بيطوّح  فيه

يعمله طياره يطيرها

و ساعات بالليل

المزيد

لو تتأخر عن مواعيدى

كل الدنيا بتتغيّر لك

كل وجودى بيسأل عنّك

قلبى الواقف حيره ف بابك

عمرى القايد نار بعذابك

حتى كمان سلك التليفون

فارق لحرارته و دقاته

صوته الحلو اللى بينده لى

أصبح يبكى دموع ف سكاته

و الأسلاك الماشيه هوائى

أتغيّر دمّها ف و ريدها

راحت نزلت عالم مائى

رافضه الهوا

طول ما انت سايبها

و الأمواج طلعت م الميّه

تسأل عنك رمل الشط

و الأشجار بعدها بشويّه

كل كيانها اتشال و اتحط

المزيد

عـشان أقــدر

أعـيش أيامى ف الـدنيا

با خطى بعمرى ف الأحلام

و بـا تـخـيّل

بـإنك جـنبى ومـعـايا

لإن انـت

إله الساعه و الأزمان

ف نـنى عـنيك

باحـدد عـدى إيه م العام

المزيد

كل اللى حبونى

شايفنّى ف عيونهم

رسم ف جدار برواز

و لا حد منهم عاز

من روحى غير صوره

و لا سمعوا موالى

و لا همهم حالى

و لا قالوا يوم مالى ؟

و انا دايبه مكسوره

المزيد

ما بين قلبى و بين مرساه

بــلاد يـامـا

و مـالا نهايه م الأرقام

ف قـلب الثانيه دوامـه

وسالب حب مش راضى

يـمد إديـه

لـموجب شوقى و يميّل

المزيد