عارف  

لو كنت جرّبت لحظه إنهم

يبدّلولك سيفك اللى

بتشهره في وش حبايبك

بقوه و حب

وبتشاور بيه لأعدائك

بقوه و خبث

بثقب

بيغرى أصحاب السيوف

إنهم ينشنوا عليك

كنت مُتّ من الخوف عليّا

بدال ما انت سايبني كده

خايفه أبصّ لنفسي في المرايه

عشان ما اشوفشى

 جسمي المخرّم فاكرهه 

و ابقى نفسى 

آخده وأتاويه فى أيّ حتّه

ما يوصلّهاش الدبّان الازرق

و اجرى أصرخ

كأني في فيلم رعب

مذهــوووووولةْ

من روحى اللى ماشيه

من غير جسم

وحاتجنّن من كميّة الشياطين

اللي بيجروا ورايا

!! شايلين على كتافهم سيوف التنشين

عارف لو كنت جرّبت لحظه

كنت خوفت عليّا

مع كل لحظه